Togtrafikken mellom Stavanger og Sandnes på Jærbanen er i gong att etter å ha vore stansa sidan i dag tidleg på grunn av feil i styringssystemet på Stavanger stasjon.
– Men toga mellom dei to byane går førebels berre kvar halvtime, opplyser informasjonssjef i Jernbaneverket, Henning Lode.
Mellom Nærbø og Vigrestad må dei reisande framleis ta buss på grunn av ein signalfeil på Varhaug.
Tidlegare i dag var det full stans i togtrafikken mellom Stavanger og Sandnes. Dette førte til store problem i morgontrafikken. Jernbaneverket hadde også problem med å erstatta toga med buss.
Jernbaneverket beklagar til alle kundane som har blitt ramma av problema i dag.
– Me har ikkje hatt dagen i dag, beklagar, seier Lode i Jernbaneverket.
