Oppdatert lørdag klokken 07.20: Mannen er funnet i god behold
Det var klokka 18.46 fredag kveld, at Rogaland politidistrikt meldte om ein leiteaksjon etter ein mann (49) i Hovsherad nord for Moi i Lund kommune.
Mannen hadde gått seg vill etter å ha gått ut frå eiga hytte.
Politiet, hundepatrulje og frivillige organisasjonar er på veg til staden for å søka etter mannen.
– Mannen melde sjølv frå til oss. Han har gitt oss god informasjon om kor han er, men han har lite straum igjen på mobilen, seier Olaug Bjørnsen, operasjonsleiar i Rogaland politidistrikt, til NRK.
Ho fortel at mannen var kledd for tur og at han hadde gått eit par kilometer i luftlinje frå hytta. Han har gått i ring og finn ikkje fram.
– Mannen gjekk på truger, men stort meir av informasjon har me ikkje nå, seier Bjørnsen.
