Kallar til gudsteneste igjen

Tysdag 25. oktober vart klokketårnet til Kopervik interimkyrkje reist like utanfor Kopervik Ungdoms- og alderssenter.

Kyrkjeklokka frå 1864 vart redda ut av ruinane, då den brannskadde Kopervik kyrkje blei riven. Klokka hadde vore utsett for sterk varme og var svart av sot.

– Derfor er det ein stor dag å sjå kor fin den nyopp-pussa klokka har blitt og at den nå er på plass i kyrkjetårnet til den foreløpige kyrkja me har, sa kyrkjeverje Marta Lunde Medhaug, sist tysdag.

Kallar til gudsteneste

I dag, søndag den 30. oktober, er klokka i fullt "arbeid" igjen. Den veg 250 kilo og klangen er like god som før brannen, forsikrar Lunde Medhaug.