Martin Elnes fant tjuvgods då han rydda skulegarden.
Foto: Privat– Eg og to andre elevar var ferdig å rydde i Niels Juels gate, og så byrja eg å rydde i skulegården.
Dei var med på NRKs ryddeaksjon «Heile Rogaland rydder», og Martin Elnes (13) gjorde eit funn ganske utanom det vanlege i skulegarden på Kannik Ungdomsskole i Stavanger.
– Eg fann ei metallgreie rett ved ein benk midt i skulegården. Eg visste ikkje kva eg skulle gjere med den, så eg leverte den til læraren. Litt seinare oppdaga ein kompis at det plutseleg stod ein politibil i skulegarden.
Ein buss vart rana på Madlaveien i Stavanger i natt.
Foto: LeserbildeMå levere tilbake alt av verdi
Odd Tveit Jørgensen, politistasjonssjef i Stavanger.
Foto: Ole Andreas BøPolitiinspektør Odd Tveit Jørgensen kunne verkeleg kome med ei gladnyheit i dag. For i natt var det nemleg eit bussran i Madlaveien, og den mystiske metallgjenstanden var ein myntdispensar som heng på bilettveskene bussjåførane bruker.
– I Samband med at Kannik skule var med på «Heile Rogaland rydder» i dag, så fann ein elev billettveska som vart stole frå den bussen i går.
Han seier at politiet er svært takknemlege for at tjuvgodset vart levert inn til dei.
– Eg har ikkje noko informasjon om innhaldet enno, men det er mest sannsynleg den veska som stammar frå det ranet.
Læraren som tipsa
– Veska var heilt tom då vi fann han, seier Elnes.
Det var læraren som fortalde ungdomsskuleeleven om kvifor politiet var i skulegården.
– Dei sa det var den delen til veska som var tatt frå bussen i natt. Eg visste ikkje noko om det bussranet, det var læraren min som hadde lest det i avisa. Ho ringde politiet og tipsa dei, seier han.