Equinor vurderer havvindpark utanfor Bergen

Equinor er saman med Petoro, TotalEnergies, Shell og ConocoPhillips i gang med ein studie der dei ser på moglegheita for ein flytande havvindpark i Troll-området. Området ligg om lag 65 kilometer vest for Kollsnes i Vestland. Dette melder Equinor i ei pressemelding fredag.

Havvindparken med namn Trollvind skal kunne vera klar i 2027, og levera nok straum til å forsyna Troll- og Oseberg-felta med kraft til drift.

Produksjonen kan bli på om lag 4,3 terawatt timar. Det er meir enn ti gonger det som skal produserast på havvindparken Hywind Tampen, som skal forsyne Snorre- og Gullfaksfelta med straum.

Per i dag er Hywind Tampen verdas største flytande havvind-prosjekt, som skal setjast i drift i haust.