– Jærstrendene kan forsvinna

– Over tid kan me risikera at sanddynene blir heilt vekke, seier leiar i Naturvernforbundet i Rogaland, Erik Thoring.

Han har den siste tida vore vitne til at sterk vind og høg vassføring har ete seg godt inn på strendene langs Jæren. Fleire stader har sjøen skylt inn langt over det normale og tatt ut store sandmengder.

• Les òg: Slik ble ekstremværet «Emil»
• Les òg: Varsler mer ekstremvær framover

– Kombinerer du ekstremvêr, hyppige tilfelle av sterke stormar og ein permanent høgare vasstand, som klimaforskarane spår, kan me risikera at Jærstrendene, slik me kjenner dei i dag, forsvinn, held Thoring fram.

Sjå video:

– Som om det er skåre med kniv

Det er ikkje berre dei aller mest naturinteresserte som har bite seg merke i utviklinga på Jærstrendene dei siste månadene.

Det er vanleg at strendene endrar formasjon, men folk som brukar strendene har ikkje tidlegare opplevd så store inngrep frå naturen:

– Du kan sjå på sanddynene til venstre der, det ser nesten ut som om nokon har skåre dei av med kniv. Det er heilt utruleg, seier Dagny Espeland som er ute og går på Solastranda.

• Les òg: Hvor mange benytter seg av Jærstrendene?
• Les òg: På topp ti-listen til Reiselivsmagasin

– Eg gjekk her for halvannan veke sidan, då var det heilt annleis. Då gjekk det flatt ut heile vegen, nå har du ein kjempestor kant her som har blitt skylt ut, seier Ivar Gill, som går tur på den same stranda.

Melder høg vasstand også i dag

Og uvêret ser ikkje ut til å gje seg. Også i kveld er det venta at sjøen skal stiga kraftig i Rogaland. Noko som vil merkas godt på dei flate strendene.

Meteorologisk institutt har sendt ut spesialvarsel, som viser at vasstanden er venta å bli mellom 60 og 70 centimeter over høgda som er oppgitt i tidevasstabellane.

Prognosane for målestasjonen i Stavanger viser at vasstanden vil stiga meir enn førre gong det blei høg flo – tidleg i desember.

• Les òg: Glemmer været når vi bygger hus

Fryktar steinvollar

Nå er det planten Marehalm som bind sanden saman og dannar sanddynene som held sjøen tilbake. Marehalmen er planta nett for dette formålet, men i framtida er Thoring redd at dette ikkje vil bli nok.

– I verste fall kan det bli aktuelt med steinvollar, det er ein barriere som vil fungera mot inntrenging av havet, seier han.

Thoring legg til at det ville vore svært trist om det skulle bli aktuelt.

Meir om ekstremvêr: Kanskje kjem «Frida» – slik får ekstremvêra namna sine | Slik varsles ekstremvær

Meir om Jærstrendene: Jærstrendene ulovlig tappet for sand | Svanedød på Borestranda | Ønsker forbud mot surfing og kiting