Forhandlingane blei tekne opp att i går, etter at partane fekk klar melding om å gjera det av arbeidsminister Hanne Bjurstrøm.
708 arbeidarar i streik
Striden mellom dei to partane står om pensjonsrettar. Arbeidsgivarane har varsla lockout frå tysdag, dersom dei ikkje kjem til ei semje før det.
I alt 708 oljearbeidarar er i streik.
- LES OGSÅ:
– Umogleg å innføra krav
Administrerande direktør Gro Brækken i arbeidsgivarorganisasjonen Oljeindustriens Landsforeining (OLF) seier kravet frå arbeidstakarane er umogleg å gjennomføra.
– Arbeidstakarane har ein pensjonsalder på 65 år, men krev no full pensjon frå 62 år. Ingen andre i Noreg har det, og me kan ikkje gå med på eit slikt krav, seier Brækken til NRK.
Ho seier vidare at streiken fører til ein ekstremt vanskeleg situasjon for bransjen.
– Streiken er no inne i sin 14. dag, og 2,7 milliardar kroner kroner har gått tapt, ifølgje Brækken.
- LES OGSÅ:
Skuldar på kvarandre
Leiar i fagforbundet SAFE, Hilde Marit Rysst, skuldar OLF for å ikkje koma arbeidstakarsida i møte.
– Me la fram ei løysing på pensjonsstriden som ikkje ville ha kosta dei ei krone å innfri. Likevel valde dei å sjå heilt vekk ifrå kravet, seier Rysst.
Ho synest forhandlingsbrotet i dag er trist, men at OLF må stå til ansvar for lockouten dei har varsla frå tysdag.
- LES OGSÅ: