– Praktikantane får gode tilbakemeldingar i redaksjonane sine, og det er veldig kjekt at NRK har fått sikra seg nye dyktige og nynorskbrukande journalistar, seier leiar Rune Fossum Lillesvangstu ved NRK Nynorsk mediesenter.
Berit Helle Jonsbråten har fått eit vikariat i NRK Direkte, Sunniva Skurtveit blir vikar i NRK Trøndelag og Ingrid Nedrebø held fram som tilkallingsvikar i NRK Kultur.
Dei fleste av praktikantane på kull 37 har dessutan fått sommarvikariat.
Kullet starta på opplæringa i Førde i august 2022. Der var dei ferdige ved årsskiftet, og i januar og februar har dei hatt praksis i ulike NRK-redaksjonar.
Kull 37 er no ferdig med halvåret som nynorskpraktikantar i NRK.