Stor trengsel i København i samband med tronskiftet

Folk har strøyma ut i gatene i København for å følge med tronskiftet i Danmark.

Politiet i København stenger no fleire av vegane til slottsplassen på Christiansborg på grunn av stor trengsel, melder Danmarks Radio.

– På grunn av den store folkemengda begynner vi nå å stenge ned tilgjenget til slottsplassen, skriv dei på X, tidlegare Twitter.

Dei seier det ikkje er mogeleg å kome inn på plassen, men folk får lov til å forlate han.

Det har også samla seg folk langs ruta mellom Amalienborg slott og Christiansborg slott der dronning Margrethe og det nye kongeparet skal køyre.