Stolar på Nato-land i ubåtstrid

Nato-sjef Jens Stoltenberg seier han forstår Frankrikes skuffelse, men at ubåtstriden ikkje må få skapa splid i forsvarsalliansen.

Analytikarar meiner Nato står svekkja etter ubåtkrangelen som oppstod då USA, Australia og Storbritannia inngjekk ein forsvarsavtale.

Avtalen gjorde at Australias kjøp av franske ubåtar aldri blei noko av.

– Eg forstår fullt ut Frankrikes skuffelse. Samstundes er Nato-landa samde om det store biletet i dei store utfordringane vi står overfor. Det må vi stå samla om, seier Stoltenberg.

Nato-sjefen seier han er trygg på at Frankrike, Storbritannia og USA vil finna ein veg framover som sørgjer for at striden ikkje skapar problem for alliansen.