EUs siste sanksjonspakke mot Russland er torsdag innført i norsk rett. Dermed aukar Noreg det økonomiske trykket.

– Det er viktig å halde oppe trykket mot Putin og dei som tener mest på og støttar regimet hans, seier utanriksminister Anniken Huitfeldt (Ap) i ei pressemelding.

Dei nye sanksjonane omfattar tiltaka som EU vedtok 15. mars, og kjem i tillegg til den omfattande pakken med sanksjonar som vart innførte i norsk rett 18. mars.

– Vi innfører sanksjonar saman med EU og andre land for å sikre at tiltaka treffer sterkt og effektivt, seier Huitfeldt.

Sanksjonane omfattar mellom anna forbod mot transaksjonar med tolv russiske statseigde selskap, handelsrestriksjonar, forbod mot eksport av fleire luksusvarer og forbod mot nye investeringar i russisk energi.

(NTB)