Minst 50 døde etter regn og flaum i Afghanistan
Minst 50 menneske er omkomne etter kraftig regn og flaum sentralt i Afghanistan, ifølge lokale styresmakter, melder Reuters.
Det er førebels ikkje kjent kor mange som er skadde i flaumen.
Fleire tusen bustadar, butikkar og vegar skal vere heilt eller delvis øydelagde i uveret.
I førre veke blei nordlege Afghanistan ramma av kraftig flaum der over 300 menneske omkom og over 1600 blei skadde, ifølge styresmaktene.