Israelsk dokument føreslår å «overføra» innbyggjarane i Gaza til Egypt
I eit israelsk regjeringsdokument blir det føreslått å overføra heile sivilbefolkninga på Gazastripa til Sinaihalvøya i Egypt i samband med krigen.
Dokumentet er utarbeidd av Israels etterretningsdepartement. Etter at det vart kjent, har kontoret til statsminister Benjamin Netanyahu prøvd å tona ned innhaldet, samtstundes som det har forverra forholdet mellom Israel og Egypt og ført til sterk fordømming frå palestinsk hald.
Ifølgje Netanyahus kontor er det berre snakk om ei «hypotetisk øving» og ei «prosjektbeskriving», men i Egypt har det ført til auka frykt for at Israels plan er å skapa ein situasjon som gjer at Gazastripas 2,3 millionar innbyggjarar blir fordrivne over grensa til Egypt.
Dette har ifølgje ekspertar vore ein viktig grunn til at Egypt ikkje har villa opne Rafah-overgangen som går mellom Egypt og den sørlege delen av Gazastripa.
(NPK)