Israel hindrar hjelpesendingar til Gaza, ifølgje Raude Halvmåne
Det skriv Palestinsk Raude Halvmåne på X. Ifølgje hjelpeorganisasjonen forbyr Israel hjelpesendingane å koma inn til Gaza «frå og med i dag til ubestemt tid», men Israel har ikkje svart på påstandane.
Meldingane tikkar inn samstundes som John Kirby, talspersonen for USAs nasjonale sikkerheitsråd, seier at Israel kjem til å halda fram med å sleppa inn naudhjelp. Det melder Reuters.
Ifølgje Kirby vil det sannsynlegvis koma inn færre lastebilar framover, samanlikna med talet på lastebilar som passerte grenseovergangen under våpenkvila.
