Får endelig driftsløyve

Næringsdepartementet har vedteke å oppretthalde Nordic Mining sitt driftsløyve for gruvedrift i Engebø-fjellet i Sunnfjord.

Selskapet sjølv stadfesta dette med ei børsmelding fredag morgon. Vedtaket frå departementet er endeleg og kan ikkje påklagast.

Aksjonistar frå Natur og Ungdom har denne veka forsøkt å stanse arbeidet på staden ved å lenke seg fast til anleggsmaskinar. Dei protesterer mot planane om å deponere 250 millionar tonn gruveavfall i Førdefjorden.

I ei pressemelding skriv næringsminister Jan Christian Vestre at dei har skjerpa miljøkrava til Nordic Mining no.

– Før selskapet kan starte utvinning må blant anna driftsplanen vere godkjend, skriv Vestre i ei pressemelding.