Ein person døydde etter kraftig turbulens på fly
Singapore Airline skriv at ein person mista livet etter kraftig turbulens under ei flyging frå London til Singapore. Sju skal vere kritisk skadd i turbulensen, melder Reuters.
Den omkomne er ein britisk statsborgar, mens ei av personalet ifølge Reuters er innlagt på sjukehus.
Flyet måtte naudlande i Bangkok i Thailand. Flyselskapet kondolerer til dei etterlatne.
– Vi arbeider med å gi assistanse til alle passasjerar og crew om bord på flyet, skriv dei vidare.
Flyselskapet seier dei skal sende tilsette til Bangkok. Det var totalt 211 passasjerar og 18 tilsette på flyet.