Ifølgje avisa Bloomberg søkjer det franske etterforskingsbyrået BEA no om løyve frå Transportminister Thierry Mariani for eit fjerde undersjøisk søk før dei skriv ut ein endeleg rapport om Air France-ulukka.
- LES OGSÅ: Passasjerfly savnet i Atlanteren
228 menneske var ombord på flyet av typen Airbus 330 då det forsvann under ei flyging frå Rio de Janeiro til Paris. Etter tre forsøk på å finna flyet og dei svarte boksane blei leitingen avslutta i mai i år.
Etterforskarane har allereie brukt rundt 30 millionar euro, eller om lag 250 millionar kroner, på tidlegare søk etter vraket.
Tidlegare funn har signalisert at at vedlikehaldsproblem med hastigheitssensorane kan ha vore årsaka til ulukka.
Men etterforskingsbyrået BEA meiner ei rekkje hendingar truleg aldri vil verta forklart med mindre dei finn dei såkalla «svarte boksane», som inneheld ferdskrivar og taleregistrator frå cockpit.