Det var lenge stille frå Kamala Harris etter at Donald Trump erklærte valsiger onsdag morgon.
Like før klokka 22.30 norsk tid gjekk Harris på talarstolen for erkjenne valnederlaget.
Til songen «Freedom» av Beyoncé, blei ho tatt i mot av ei jublande forsamling.
– Hjartet mitt er fullt. Fullt av takknemlegheit for tilliten, startar ho talen sin.
Skuffa Demokratar ventar på at Harris skal halde tale.
Foto: KEVIN DIETSCH / AFPStore folkemengder samla seg utanfor Howard University i Washington D.C. for å høyre henne. Det var der ho sjølv studerte.
– Utfallet er ikkje det vi ønska oss, ikkje det vi kjempa for, og ikkje det vi stemte på. Men håpet er ikkje ute, så lenge vi held fram med å kjempe.
Harris seier ho aldri skal gi opp kampen om ei framtid der amerikanarar kan drøyme og ha ambisjonar.
Valresultatet var ikkje så jamt som meiningsmålingane viste. Trump er USAs neste president.
Foto: ANDREW HARNIK / AFP– Der kvinnene har fridom til å bestemme over sin eigen kropp, held ho fram.
Jubelen er stor. Abortpolitikken har Harris fokusert mykje på under valkampen dei siste månadane.
– Det er greitt å vere skuffa, men det kjem til å gå bra. Nokre gonger tek kampen ei stund, det betyr ikkje at vi ikkje skal vinne, seier Harris.
Dette er tida for å brette opp ermane, oppfordrar ho.
– Eg veit mange føler at vi går inn i ei mørk tid. Eg håper ikkje det er tilfelle, seier ho medan ho ber folk om å ikkje miste håpet.
Ein støttespelar gret medan Harris held talen sin etter nederlaget.
Foto: Jacquelyn Martin / AP– Aldri gi opp å prøve å gjere verda ein betre stad. De har makt. De har makt, gjentek ho frå scena.
Stikk til Trump
– Vi må godta resultatet av dette valet, seier Harris.
Tilhengarane buar når Harris fortel at ho har snakka med Donald Trump og gratulert han med sigeren.
Kamala Harris og ektemannen Doug Emhoff gjekk av scena saman hand i hand.
Foto: Mike Blake / ReutersHo seier dei vil hjelpe Trump-teamet slik det blir ei fredeleg maktovertaking i januar.
– Dette er eit grunnleggande prinsipp i demokratiet vårt. Det er det som skil eit demokrati frå eit monarki og eit tyranni.
President Joe Biden inviterte Donald Trump til Det kvite hus tidlegare onsdag kveld etter at han gratulerte han med sigeren. Dette er ein vanleg tradisjon når ein president skal ta over for ein annan.
Det blir fire nye år med Trump som USAs president.
Foto: Stefan Jeremiah / APDå Trump tapte mot Biden for fire år sidan, inviterte han ikkje Biden til Det kvite hus, og deltok heller ikkje på innsettingsseremonien i januar året etter. Han anerkjente heller ikkje valresultatet.
– Vi treng ikkje vere lojale til ein president eller eit parti, men til grunnlova, understrekar visepresidenten.
Harris og Biden gratulerer Donald Trump med valsigeren
Over heile USA har Harris-tilhengarar pakka saman valvaker og valarrangement, etter kvart som valresultatet har rulla inn onsdag.
Skuffelsen blant Demokratane er stor.
Meiningsmålingane sa lenge at valet kom til å bli historisk jamt. Resultata er derimot tydelege: Det amerikanske folket ønsker Donald Trump som landets neste president.
Mina Mwanga stemte for første gang i år. Ho høyrde talen til Harris, og er bekymra for tida framover med Trump som USAs president.
Mina Mwanga fryktar framtida.
Foto: Tove Bjørgås / NRK– Eg har ei ekstrem frykt for korleis landet vårt skal bli, seier ho til NRK.
Kamala Harris snakka med Donald Trump før ho talte til folket. Trump-kampanjen sa sjølve at Harris og den påtroppande presidenten var einige om å «samle landet».
President Joe Biden ringde også Donald Trump for å gratulere han med valsigeren. Det same har mange statsleiarar verda over gjort.
Overlegen siger for Trump
Onsdag blei det klart at Donald Trump blir USAs 47. president.
Klokka 11.30 norsk tid slo nyheitsbyrået AP fast at det ikkje var teknisk mogleg for Harris å ta igjen Trump i valet. Det var etter at sigeren i vippestaten Wisconsin, at Donald Trump fekk dei siste valmennene han trong.
Sjølv om ikkje alle stemmene er talde enno, blir dermed Donald Trump USAs neste president. Trass i at han er tiltalt i fire straffesaker.
– Dette er ei rørsle vi aldri har sett. Dette er den beste politiske rørsla nokosinne i dette landet, kanskje i heile verda, sa Donald Trump frå talarstolen onsdag morgon.
Republikanarane har også fått fleirtal i senatet, som gir dei makta i begge kammera i Kongressen.
Etter at tilhengerne hadde ventet i fleire timar, dukka hovudpersonen sjølv opp på scenen på valgvaken i West Palm Beach.
Ein historisk valkamp
Det var president Joe Biden som stilte til attval for Demokratane tidlegare i år.
Mange stilte då spørsmål om den 81 år gamle presidenten ikkje var for gamal, og om han i det heile tatt var i stand til vere USAs president i fire nye år.
Sjølv om kritikarane var mange, ville ikkje Demokratane samle seg bak ein ny kandidat. Diskusjonane heldt fram.
President Joe Biden og visepresident Kamala Harris under Democratic National Convention, då Harris formelt blei valt om Demokratane sin presidentkandidat.
Foto: Charles Rex Arbogast / AP28. juni i år stilte Trump og Biden i første direktesende debatt. Dommen frå mange var soleklar: Biden var ikkje i stand til å vere president i fire nye år.
– Han hadde ein fot i grava, sa Eirik Løkke, rådgivar i Civita, i etterkant av debatten.
Vekene gjekk og det blei stillare frå Biden-administrasjonen.
Under eit valkamparrangement i Pennsylvania blir Donald Trump skoten 14. juli. Gjerningsmannen blir drepen, og Trump kom nesten uskadd frå det.
Trump hever handa etter å ha blitt skoten under eit valkamparrangement.
Foto: AFPDet skal ikkje gå lang tid før valkampen skaper overskrifter verda over igjen.
21. juli annonserer Biden på X at han vil sleppe den yngre generasjonen til, og vil stille seg bak visepresident Kamala Harris som Demokratane sin presidentkandidat.
Skulle USA få sin første kvinnelege president, spurde mange seg då. I dag fekk vi svaret.
