Nord universitet skal sjå på masteroppgåva til Kjerkol på nytt

Helseminister Ingvild Kjerkol (Ap) møtte laurdag kveld i Dagsrevyen, etter at fleire mediehus fann tekstlikskapar med andre akademiske tekstar i masteroppgåva ho leverte på studieprogrammet «Master i kunnskapsledelse» hos Nord universitet i 2021.

Der avviste ho at masteroppgåva er kopiert frå andre studentar. Helseministeren si forklaring på likskapane er at dei brukte same metode som hadde blitt brukt i andre oppgåver.

Der sa ho også at Nord universitet skal sjå på saka igjen.

– Og det tenker eg er fint, sa Kjerkol.