Fleire aviser og nettaviser spekulerer i dag i om det var eit spøkelse som vart observert i Mosjøen.
Ifølgje vitner til brannen skal to kvinneskikkelsar ha kome ut av huset under brannen i Ernst Brodtkorpsvei laurdag ettermiddag.
Inger Lise Børresen er nabo til huset som brant ned. Ho såg det ikkje sjølv, men drøymte om huset i tre netter før det brant.
- Eg drøymte same draumen i tre dagar. I draumen gjekk eg inn i huset og vart møtt av to sinte damer, fortel ho til NRK Nordland.
Eit hus med historie
Dette bilete er skarpare, og viser tydelegare årsaka til diskusjonen.
Foto: PrivatI det 130 år gamle nabohuset skal det ha budd to kvinner før den noverande eigaren tok over.
- Det er ein gamal mann som har budd i huset, og han har tidlegare sagt at to kvinner går igjen, seier Børresen.
Ho fortel at veggen der kvinnene vart sist sett, brant ned heilt til slutt.
- Eg såg det ikkje sjølv, men ein kunne sjå kvinneskikkelsen i veggen heilt til den var brent ned, seier Inger Lise Børresen.
Tragedie
Leiar ved Helgeland Museum Hans Pedersen kallar brannen ei tragedie.
- Reint bygnings-historisk er dette ei tragedie. Det var ein utruleg flott sveitser-villa, seier Pedersen.
Villaen har tilhøyrt den tidlegare gods-eigar familien Brodtkorp frå Tjøtta.
