NRK Meny
Normal

19-åring lettare skadd i trafikkulukke

Ein 19 år gamal mann er flydd til sjukehuset i Mo i Rana etter ei motorsykkelulukke på E6 i Bjørnådalen sør for Mosjøen. Han skal ha fått mindre skadar og er stabil.

Laster kart, vennligst vent...

MOTORSYKKELVELT: 19-åringen skal ha køyrd utanfor E6 og skadd seg.

– Mannen blei fyrst sendt til legevakta før han blei henta av helikopter, seier Jon-Inge Moen, operasjonsleiar i Nordland politidistrikt.

19-åringen skal ha køyrd motorsykkel på E6 i ei 80-sone, men politiet veit ikkje om mannen køyrde fortare enn dette.

Helgelandssjukehuset fortel NRK at mannen fekk lettare skadar og er no stabil. Han vert liggjande på intensiven over natta.