– Ingen veit kva som skjer med kona til Liu Xiaobo

Liu Xia var tidlegare i dag på veg til fengselet for å besøke mannen sin. Sidan har NRK sin mann i Asia, Anders Magnus, ikkje hatt kontakt med ho.

– Det er ingen som får kontakt med ho. Telefonen hennar er stengd av, og det er den einaste måten ho har kommunisert med omverda på til no, fortel Magnus.

Han seier det derfor er vanskeleg å seie kva som skjer.

– Kanskje kjem ho til fengselet, eller kanskje blir ho sendt derfrå til eit gjestehus, for å vere utanfor offentlegheita til dette har lagt seg, seier han.

Skulle besøke mannen

I går fortalte Liu Xia at ho pakka medan politiet passa på, og at ho fekk lovnader om at ho skulle få besøke ektemannen i dag.

• Les: Har reist for å møte Liu Xiaobo
  
• Les: – Jeg er så glad, så glad, jeg vet ikke hva jeg skal si

Ho sa då at ho ikkje kunne vente med å fortelje mannen sin at han var tildelt fredsprisen.

Magnus fortel at advokat Teng Biao vart arrestert medan dei to snakka over telefonen.

• Les: – Det strammes til i Kina

Meiner prisen er feil

Liu Xiaobo vart tildelt fredsprisen fredag. Meldingane vart ikkje godt mottekne av myndigheitene:

– Liu Xiaobo er ein kriminell som er dømd til fengsel av kinesiske domstolar. Det han har gjort, går fullstendig imot meininga bak Nobels frespris, sa talsmannen for det kinesiske utanriksdepartementet Ma Zhaoxu.

• Les: – Kina er misfornøyd med at fredsprisen gikk til Liu Xiaobo
• Les: Anders Magnus i Kina: – De har jaget oss bort

Xiaobo er ein forkjempar for menneskerettar i Kina, og ønskjer politiske reformar i landet. Han vart i 2009 dømd til 11 års fengsel for å ha motarbeidd den kinesiske staten.

• Les: Fredsprisvinner Liu Xiaobo har refset Kinas myndigheter i 20 år