– Melodi Grand Prix har i år fått eit stort løft. Eg trur fleire artistar og låtskrivarar kjem til å melde seg på til neste års arrangement enn tidlegare år, seier Idol-dommaren til nrk.no.
I år var han var låtskrivar for Tone Damli Aaberge, som kom på andreplass i den norske finalen med songen «Butterflies».
Les også:
Gratuler:
Rybak-effekt
– Eg trur også Rybak-effekten fører til fleire seriøse innslag neste år. Sirkuset rundt MGP kan også forsvinne litt. Og så må platebransjen no skjøne kor viktig Grand Prix er, seier han.
– Kor store er sjansane for at du kjem til å stå bak ei av MGP-låtane neste år?
– Eg vil ikkje love noko som helst. Eg må føle at alt stemmer før eg eventuelt kastar meg rundt med eit nytt prosjekt.
Les også:
Merka MGP-effekt etter sist siger
Ein annan kjent musikkprodusent, Ole Evenrud, merka auka interesse i 1996 – året etter at Secret Garden vann den internasjonale finalen for Noreg for andre gong i historia.
– Eg trur interessa og kvaliteten neste år blir bra uansett. Men det blir ikkje lett å overgå arrangementetet i Moskva, seier produsenten som var med i MGP-utveljingsgruppa i 1996.
– Har det noko å seie kva by som bli vertskap for festen?
– Eg trur det blir fullt hus uansett kor arrangementet blir. Det er nok best om det er i nærleiken av Oslo, men det hadde jo vore gøy om det vart lagt til Halden, flirer kjendisprodusenten.
