Kristiansandin elläintarhaassa syntyi leijonapariskunnalle nelje leijonanpenikkaa.
Yksi neljestä leijonanpenikoista kuoli, toiset kolme oon tervheitä ja hommakkhaita.
Kira-muori ja kolme leijonanpenikkaa voi hyvin.
Tämä oon leijonafaari Mufasan ja leijonamuori Kiran kahđes penikkä kieros.
Leijonatalon ovet oon kiini seuraavat 1-2 viikkoo, niin ette penikät saapi olla rauhassa.
Synnytys oon osa elläintarhaorganisasuunin, EAZA:n internasunaalii säilyttiprogramii.
Säilyttiprogramin mooli oon ylläpittää tervheitä leijonanroikkii elläintarhaissa tulleevaisuutta varten.
Ensimäistä kerttaa Kristiansandin elläintarhaassa syntyi leijonanpeniköitä vuotena 2008.