Sult-prisen til Øyehaug

- Det følest heilt fantastisk, sa forfattar Gunnhild Øyehaug etter at ho i dag vart tildelt Sult-prisen 2009.

Forfatter Gunnhild Øyehaug

Forfattar Gunnhild Øyehaug får Sultprisen 2009.

Foto: Ragnhild Krogvig Karlsen / NRK

Prisen, som ho ser på som ein av dei store og som heng høgt, gjev ny sjølvtillit til forfattaren.

- Når eg ser på tidlegare prisvinnarar er eg veldig imponert over meg sjølv, fortel ein glad prisvinnar.

Ho gjev seg sjølv ein klapp på skuldra og seier at dette har mykje å sei for sjølvkjensla.

- At nokon set pris på arbeidet, gjer at eg kan senke skuldrene.

Ventar mykje av ho i framtida

Juryleiar Kjersti Bale sa i talen til Øyehaug i dag at ho er ein av dei mest sprelske, underhaldande og dyktige forfattarane vi har.

- Vi ventar oss mykje av ho framover, og håpar at Sult-prisen vil vere med å legge grunnlag for vidare utvikling i eit allereie framifrå forfattarskap, seier juryleiaren.

Sult-prisen som delast ut kvart år, går til eit yngre og eminent forfattarskap. Saman med heider og ære får forfattaren tildelt 100.000 kroner. Også det økonomiske har mykje å sei for forfattaren.

- Med ein slik pris får ein mulegheit til å kjøpe deg tid til å skrive og utarbeide manus, seier Øyehaug som også har motteke statens kunstnarstipend for to år fram i tid.

Fleire prisar

Øyehaug har vore redaktør for tidsskriftet Kraftsentrum saman med Olaug Nilssen. Ho har tidlegare blitt heidra med fleire andre litteraturprisar. Ho mottok Bjørnson-stipendet (2006), Tanums kvinnestipend (2007), Nynorsk litteraturpris (2008) og Doblougprisen (2009).

Ho debuterte med diktsamlinga Slaven av blåbæret i 1998. Som romanforfattar debuterte Øyehaug i 2008, med boka Vente, blinke.

Tidlegare har blant anna Carl Frode Tiller, Hanne Ørstavik og Pedro Carmona-Alvarez fått Sult-prisen.

Øyehaug les frå "Vente, Blinke"

Under arrangementet Snikkikk på Litteraturhuset i Oslo 15. Juli, 2008 las Gunnhild Øyehaug frå boka si Vente, Blinke”. Dette var før boka vart gitt ut, og publikum venta spent på romandebuten:

Høyr reportasjen frå Litteraturhuset, juli, 2008 her:

Kulturstrøm

  • Melder seg ut av organisasjon

    To av medlemmane i Hollywood Foreign Press Association, HFPA, som blant anna deler ut Golden Globe, melder seg ut av organisasjonen.

    Dei omtaler organisasjonen som giftig, og seier dei vil starte ein konkurrerande organisasjon, skriv The Hollywood Reporter.

    HFPA har fått massiv kritikk, blant anna for å ha lite mangfald i medlemsmassen og for å ha økonomiske bindingar med enkelte av dei som blir nominerte til prisen.

  • Fikk hakeslepp av eget gitarspill

    Lillebjørn Nilsen er plateaktuell med «Live in Telemark», som er et opptak fra en konsert han gjorde sammen med den irske visesangeren Andy Irvine under Telemarkfestivalen i 1994.

    I Kulturstripa torsdag snakket han og programleder Mona B. Riise sammen om innspillingen og hvordan han jobber som musiker.

    En av låtene på plata er en versjon av Lillebjørn-klassikeren «Alexander Kiellands plass», hvor han spiller den alene med akustisk gitar.

    – Jeg fikk helt hakeslepp da jeg hørte det opptaket av «Alexander Kiellands plass». Fordi dette var min opprinnelige drøm: Å bare høre den med min sangstemme og – da må jeg skryte litt – mitt eminente gitarspill, sier han i intervjuet.

    70-åringen kan også koste på seg litt selvskryt for å ha inspirert utallige gitarister med «Lillebjørns gitarbok», utgitt i 1973.

    Lillebjørn Nilsen og Mona B. Riise