Ingrid Vetlesen og Yngve Søberg

Ingrid skulle på opptaksprøve til Operaakademiet i København, ho fekk bu hos ein mann ho ikkje kjente, eit par veker seinare reiste denne mannen til Stavanger på friarferd, på laurdag synger kjærasteparet duett.

Ingrid og Yngve
Foto: Promo

Det er ikkje mange kjærastepar som kan skryte på seg at begge to er gode nok til å vere med i Kjempesjansen, men det kan nemleg Yngve og Ingrid gjere. På laurdag skal dei synge "Bess you is my woman now", av Gershwin. Allereie no kan du sjå kjærasteparet synge "La ci darem la mano", av Wolfgang Amadeus Mozart på musikkvideoen sin .

Starta tidleg 

Begge to har sunge heile livet. Ingrid meiner at ho song reint før ho i det heile tatt kunne snakke, men det var først på musikklinja på vidaregåande ho tok songtimar kvar veke. Kjærasten, Yngve, var ein del av Oslo Domkyrkje gutekor. Men det har ikkje berre vore song som har prega oppveksten deira.

- Eg byrja å spele piano då eg var seks år, mamma klarte å halde meg på pianokrakken til eg var 12 år. I ein periode stod eg i fare for å konvertere til handballbana, men kyssesjuka satt ein stoppar for det, fortel Ingrid.

- Eg byrja å spele piano då eg var fem år, men slutta då eg var 13 år, i dag spelar eg litt gitar rundt leirbålet, seier Yngve.

Første gong

Ingrid og Yngve
Foto: Promo

Første gong paret sto på scena var lenge før dei traff kvarandre. Den eine elska det, den andre blei vettskremt.

- Eg elska det! Eg hadde tittelrolla i skodespelet ”Doktor Bamse” i første klasse, mamma var kjempestolt, fortel Ingrid.

Men Yngve derimot hadde ikkje ei like god oppleving.

- Eg var livredd, sveitta meir i hendene enn panna. Nei forresten meir i panna enn hendene, Stemma sprakk, og læraren min sin kommentar var ”ikkje alle kan bli stjerne over natta”.

Men på laurdag skal Yngve saman med sin kjære vise kva han er god for. Den store draumen er eit skritt nærare, nemleg å vere solist på dei største scenene i verda.

Kva vil de bruke pengane de vinn til?

- For å få eit stort namn treng ein å kome seg på konkurransar, audition, meisterskap og studiereiser. Vi vil difor bruke pengane på akkurat det.

På gøy med Ingrid og Yngve:

Samlar du på noko?

Ingrid: - Stygge kortstokkar, gjerne turistkortstokkar med bilde på baksida. Eg har berre fire eller fem så samlinga er ikkje så stor.

Yngve: - Eg er ein enkel mann, samlar berre på gode minner.

Kva er det mest ”nerdete” ved deg?

Ingrid: - Eg elskar originalnotar, om det så berre er ein liten del av det eg skal studere så må eg kjøpe heile heftet. Og det er utan å blunke, eg bind dei og inn i kontaktpapir.

Kva er ditt mest idiotiske kjøp?

Yngve: - Symjebriller med styrke, og eg brukar ikkje ein gong briller til vanleg.

Kulturstrøm

  • Snøhetta på innovativ toppliste

    Det norske arkitekt og designbyrået har fått en 38. plass på lista til Fast Company over verdens mest innovative selskaper. I november åpnet det nye biblioteket i Calgary i Canada, tegnet av Snøhetta. Nærmere 300.000 har besøkt det fire etasjer høye bygget over T-banestasjonen i sentrum. Juryen mener det redefinerer konseptet bibliotek, med klatrevegg og tech-område for tenåringer blant alle sonene. Bygningen er ment å være et oppholdssted like mye som et utlånssted for bøker, for all slags folk.

    Biblioteket i Calgary tegna av Snøhetta
    Foto: Snøhetta
  • Tok hjem flest Brit Awards

    DJ-en Calvin Harris og gruppen The 1975 ble de to mest prisvinnende artistene under musikkprisutdelingen Brit Award, med to priser hver, skriver BBC. The 1975 fikk pris for beste album med «A Brief Inquiry Into Online Relationships» og beste britiske gruppe. Calvin Harris fikk prisen for beste single for låten «One Kiss» sammen med artisten Dua Lipa (bildet). Harris fikk også prisen for beste produsent.

    Dua Lipa og Calvin Harris på Brit Awards
    Foto: DANIEL LEAL-OLIVAS / AFP
  • Sigrid spilte på «The Late Show»

    Onsdag viste 22-åringen seg frem for millioner av amerikanske TV-seere på «The Late Show» med programleder Stephen Colbert, som er et av USAs største talkshow, melder nettmagasinet 730.no. Hun fremførte låten «Don’t Feel Like Crying», fra det kommende debutalbumet «Sucker Punch» som slippes 1. mars. I et intervju med NRK tidligere i vinter sa Sigrid at hun både gruer og gleder seg til albumet kommer ut.