Hollywood-stjerner i Oslo

Opptaka til ein film regissert av Christopher Nolan er i gang i Oslo. Skodespelaren Robert Pattinson er også observert på settet til det som truleg er ein spionfilm.

Robert Pattinson

I OSLO: Robert Pattinson blir den neste Batman. Men før det skal han spele i ein spionthriller regissert av Christopher Nolan. Opptaka til filmen ser ut til å vere i gang i Oslo.

Foto: FADEL SENNA / AFP

Torsdag har det vore spelt inn scener til ein komande amerikansk/britisk thriller i Bjørvika og Tjuvholmen.

Det var TV 2 som først fortalde om innspelinga.

I føremiddag blei det filma på Operataket i Bjørvika, før dei flytta seg til Tjuvholmen i ettermiddag.

Der skal det ha blitt spelt inn ei scene på Olav Selvaags plass med ein samtale mellom Robert Pattinson, John David Washington og Himesh Patel, får NRK opplyst.

Fleire skodelystne følgde innspelinga på Tjuvholmen. Blant dei som hadde møtt opp for å få eit glimt av det som skjedde, var filmstudent Vegard Strøm, som studerer ved Fagskolen Christiania.

– Eg er så starstruck, seier han til NRK.

Spionthriller

Den britiske regissøren Christopher Nolan har tidlegare blant anna regissert spelefilmar som «Memento», «Dunkirk» og tre Batman-filmar.

No er han i Oslo med blant andre Robert Pattinson, som blant anna har spelt i «Twilight»-filmane, og John David Washington, som blei Golden Globe-nominert for innsatsen i Spike Lee-filmen «BlackKklansman».

Filmen det truleg dreier seg om, er spionthrilleren «Tenet» som ifølgje International Movie Database er under innspeling no. Nolan er ansvarleg for både regi og manus, i tillegg til at han står oppført som produsent.

Filmen får verdspremiere 17. juli 2020.

Tenet blir spilt inn på Tjuvholmen

I ettermiddag har det blitt spelt inn scener til den komande filmen på Tjuvholmen i Oslo.

Foto: Helga Tunheim / NRK

– Ingen kommentar

Adrian A. Mitchell i filmkommisjonen i Oslo seier dei ikkje kan seie noko om kva som går føre seg.

– Eg har ingen kommentar til det. Men at det skjer noko i Oslo sentrum er alltid veldig gledeleg.

NRK har også prøvd å kome ikontakt med filmkommisjonen NFI, men vi har førebels ikkje lukkast med å få ein kommentar.

I tillegg til Pattinson skal blant andre Elizabeth Debicki, Michael Caine og Kenneth Branagh på rollelista.

Ifølgje IMDB er «Tenet» ein actionthriller som handlar om internasjonal spionasje. I tillegg til Noreg blir det spelt inn scener til filmen i blant anna England, Italia, India og Estland.

Kulturstrøm

  • Stormzy utstilles Madame Tussaud

    En voksfigur av rapstjernen Stormzy blir Madame Tussauds nyeste tilskudd. Den annonserte det verdensberømte London-museet selv på Twitter mandag.

  • – Ytringsfrihet må veie tyngst

    EUs digitale lover må sikre medienes uavhengighet, sier Medietilsynet. Lovforslagets formål er vel og bra, ytrings- og pressefrihet må tillegges stor vekt, mener direktøren.

    – Desinformasjon og hatefulle ytringer kan være svært skadelig selv når den er innenfor loven, men risikoen i å gi for store fullmakter til å fjerne innhold, er etter vår vurdering for store. Hensynet til ytringsfriheten må veie tyngst, sier direktør Mari Velsand.

    Lovforslaget har som mål å viske ut juridiske skiller mellom varer, tjenester og innhold som tilbys online og offline, styrke den digitale konkurransen og øke brukernes sikkerhet på nett.

    Ambisjonen er å gjøre avstanden mellom mediebrukere og aktørene bak sosiale medier-tjenester mindre. Blant annet skal nasjonale myndigheter kunne kreve at ulovlig innhold fjernes raskere.

    – Loven bør tydeliggjøre at redaksjonelt innhold ikke skal kunne fjernes, verken av aktører som står bak sosiale medier eller av nasjonale myndigheter, sier Velsand.

Flere kulturnyheter