Dette er eitt av spørsmåla Ellen Voke og andre psykologar ved nettstaden har motteke. Også hjelpetelefonen til Røde Kors har merka at profetiane om dommedag skremmer barn og unge. I tida før premieren på filmen 2012 har interessa rundt dommedagstemaet til filmen eksplodert.
Les også:
Kan vinne overlevingssjanse
I filmen går profetiar om naturkatastrofe og dommedag henta frå den gamle Maya-kalenderen oppfylling. Og at dei store verdsleiarane har heile tida har visst om at dette ville skje, utan å gå ut med det.
- Det har byrja å kome spørsmål om det, om dette er sant, om det kjem til å skje. Det er lagt opp i ein kontekst at dette er ikkje underhaldning, dette er faktisk kanskje sant, seier Ellen Voke.
Filmen 2012 hevdar at verda vi går under i 2012.
Foto: Filmweb«Finn sanninga» er bodskapen frå produsenten i traileren til filmen «2012». Nettsida til filmen får barne-, og ungdoms- og familiedirektoratet, som driv nettstaden ung.no, til å reagere.
På den offisielle nettstaden til filmen "whowillsurvive2012" kan ein mellom anna stemme på kven av dei overlevande etter 2012 som bør verte verdsleiar. Ein kan delta i meningsmålingar om kva ein skal bruke sine siste dagar til. I tillegg kan ein vere med på eit eige lotteri der man kan vinne ein sjanse til å overleve katastrofen.
Vurderte berre filmen
Owe Watne i Medietilsynet visste ikkje korleis filmen vart marknadsført då dei vurderte at forsvarleg aldersgrense for filmen var 11 år.
- Eg har ikkje gått inn i dette. Når vi får ein film til vurdering er det filmen vi vurderer, seier Owe Watne.
(Artikkelen held fram under biletet)
John Cusack spelar ei av hovudrollene i filmen 2012.
Foto: Filmweb- Kanskje dei bør setje seg ned å sjå på heile konseptet «2012», ikkje berre filmen åtskilt, er Ellen Voke sitt svar til Medietilsynet si vurdering.
Dersom Medietilsynet på førehand veit at ein film vil verte sett i ein bestemt samanheng, og dette er veldig framtredande, tek dei det med i vurderinga, men det var altså ikkje tilfelle her, fortel Owe Watne.
- Snakk med barna
I morgen har filmen premiere med 11 års- grense. Familiepsykolog Ellen Voke råder foreldra å snakke med barna sine om filmen «2012».
- Spør om dei har høyrt om den, spør om dei er opptekne av det, spør kva dei tenkjer. Ver i verste fall bli med dei på filmen, og delta i det dei er opptekne av.
- Kva aldersgrense synest du denne filmen burde ha?
