«Alle» lot seg lure til å tru at Justin Bieber er i Noreg

Beliebers frå heile verda gjekk nærast amok med liker-knappen på Instagram då bildet frå Oslo sentrum blei publisert.

Eitt av bileta er tatt inn på Oslo S, men verken Justin eller kona Hailey er på nokon av bileta.

Derimot ligg det ei rekke bilete av ekteparet saman i Sveits.

– Kan stadfeste at bileta er tatt av leverandøren av PR-kampanjen i Noreg, seier Camilla Shoaei i plateselskapet Universal.

Dermed er det ikkje Justin Bieber sjølv som har vore på Oslo S og Oslo City.

Dette er eit ledd i PR-kampanjen for albumet Swag som kom ut for få dagar sidan.

Albumet består av 21 låtar og duettar, der Bieber syng saman med artistar som Gunna, Sexyy Red, Dijon, Lil B, Cash Cobain, Eddie Benjamin, Marvin Winans, samt komikaren Druski i sketsjar.

Thea Magnussen frå Kristiansand er stor Bieber-fan. Hadde han vore her, så hadde ho reist til Oslo.

– Eg klarar liksom ikkje heilt å sjå for meg at han skulle feriert i Noreg. Kva skulle han gjort her, eigentleg, seier Magnussen.