- Steinaldernivå

- Jazzen er på steinaldernivå når det gjelder likestilling, mener jazzstudenter.

Ukas P2-artist Silje Nergaard

Silje Nergaard opptrer på Moldejazz komande laurdag. Berre 12 av 70 konsertar under festivalen har kvinner på scenen.

Foto: Erichsen, Jarl Fr. / SCANPIX

- Eg har lyst på litt fleire damer rundt meg. Eg har ikkje lyst til å gå på skule med bare gutar og ha bare mannlege lærarar, seier Nina Kristine Linge, ei av initiativtakarane til jazzcamp for jenter som blei arrangert i Trondheim i helga.

Eit vedvarande problem

Linge meiner at det står dårleg til med likestillinga i norsk jazz.

- Så dårleg at me må arrangera ein jazzcamp bare for damer.

I Norsk jazzforum er det ein kvinneandel på berre 14,5 prosent. Og dei fleste av desse er vokalistar. Mangelen på kvinner innan jazzmiljøet i Norge er ikkje eit nytt, men eit vedvarande problem.

- Ikkje nok å ta av

I november i fjor påla kulturministeren Trondheim Jazzorkester å få kvinner med i den faste staben i orkesteret, men det viste seg å vera enklare sagt enn gjort.

Trondheim Jazzorkester ved leder Eirik Hegdal

Eirik Hegdal frå Trondheim Jazzorkester

Foto: NRK

- Trond Giske har forstått at det ikkje bare går an å kreva at kvinner skal inn i orkesteret. Det er sjølvsagt eit ønske for oss også, men det er rett og slett ikkje så mange kvinner å ta av, seier Eirik Hegdal frå Trondheim Jazzorkester.

- Jazzfeltet har på mange vis blitt eit maskulint fellesskap, og det kan vera vanskeleg for kvinnelege utøvarar å finna seg til rette der. Det er også få rollemodellar, seier Heidi Stavrum, som har forska på temaet jenter og jazz i Norge.

- Viktig med oppmuntring

Heidi Stavrum

Forskar Heidi Stavrum

Foto: www.hit.no

Stavrum meiner at det ikkje er så lett å gjera noko med likestillinga i det profesjonelle miljøet, men at ein kan gjera noko for dei yngre utøvarane

- Det går til dømes an å oppmuntra jenter i kulturskulen til å setja seg bak trommesettet i staden for stilla seg bak mikrofonen. I Sverige har dei også hatt vellykka forsøk med reine jazzklassar for jenter på ein folkehøgskule. Jazzkamp for jenter høyrest ut som eit bra tiltak som kan inspirera jenter til å satsa profesjonelt på jazz.

Jazzcamp

17 år gamle Nina Hagen Kaldhol, synest ho har lært mykje ved jazzcampen for jenter:

- Det er spennande å sjå at det er mange som er utruleg flinke, og at vi kan læra mykje av kvarandre.

- Dette skal bli et årlig arrangement. Og me skal ekspandera, me har store planar! seier intiativtakar Nina Kristine Linge.

Kulturstrøm

  • Bergen tok storeslem i korps-NM

    Bergen vant både innen brass og janitsjar i årets NM for skolekorps. Mesterkapet var digitalt. 66 skolekorps leverte inn bidrag.

    I 1. divisjon janitsjar tok Bergenskorpsene alle de tre første plassene og tapetserte pallen. Midtun Skoles Musikkorps vant, foran nabokorpset Skjold Skoles Musikkorps. Ulriken Janitsjar tok siste plassen på podiet.

    I 2. divisjon brass gikk Skodvin Skulemusikk til topps, med nyskrevet stykke av Kjetil Djønne.

  • Melder seg ut av organisasjon

    To av medlemmane i Hollywood Foreign Press Association, HFPA, som blant anna deler ut Golden Globe, melder seg ut av organisasjonen.

    Dei omtaler organisasjonen som giftig, og seier dei vil starte ein konkurrerande organisasjon, skriv The Hollywood Reporter.

    HFPA har fått massiv kritikk, blant anna for å ha lite mangfald i medlemsmassen og for å ha økonomiske bindingar med enkelte av dei som blir nominerte til prisen.