Ho klarte ikkje ein gong å strekkje hendene i været før ho segna om i målområdet.
- Les:
- Les:
Jenny Hansson hadde teke ut absolutt alt, og måtte takast hand om av Røde Kors-personell etter at ho kom i mål.
(Artikkelen fortsett under TV-reportasjen.)
Det kunne virke dramatisk, men ho klarte etterkvart å kome seg opp på føtene, og vart ført ut av området av medisinsk personell.
– Eg har aldri vore så sliten før, men det var verdt det. Eg har astma og fekk ikkje i meg luft i det heile tatt, sa ei glad men utruleg sliten Hansson etter løpet.
Ho vann løpet på tida 2.57.33.
– Stort å vinne Birken
Dette var Hanssons fyrste seier i Birkebeinerrennet, og ho la ikkje skjul på at det vart ein spesiell dag.
– Det er kjempestort for meg. Alt klaffa i dag, og eg hadde kjempeski og var i kjempeform, fortel ho til nrk.no.
Ho har tidlegare vunne det italienske langløpet Marcialonga og tre gonger vorte nummer to på Vasaloppet.
Sprinter på andreplass
Karianne Bjellånes er mest kjent for å gå korte løp, men sprinteren imponerte alle med å ta andreplassen bak suverene Hansson.
– Eg er veldig godt tilfreds. Eg brukar å gå sprint, så det var artig å henge med på eit så langt løp.
Ho kom i mål eit drøyt minutt bak Hansson.
– Eg prøvde å henge på så lenge som råd, men ho reiste sakte men sikkert frå, sa Bjellånes etter løpet.
Italienske Antonella Confortola vart nummer tre i årets Birkebeinerrenn.