NRK Meny
Normal

Tre ungdommar køyrde utfor vegen

Politi og ambulanse rykka ut til ei utforkøyring på Bømlo. Dei tre involverte slapp uskadd frå ulukka.

Laster kart, vennligst vent...

Ulukka skal ha skjedd i Foldrøydalen ved Bremnes på Bømlo, på fylkesveg 542.

– Bilen er ikkje køyrbar så vi har rekvirert bergingsbil, fortel operasjonsleiar Tore Frøyland-Jensen i Haugaland og Sunnhordland politidistrikt. Dei fekk melding om utforkøyringa på fylkesveg 542 like før klokka 16.00. Tre ungdommar er involvert i ulukka.

– Dei vert sjekka av ambulanse på staden. Skadeomfanget er ikkje kjent.

Ulukka har skjedd i 80-sona i Foldrøydalen ved Bremnes. Bileigar er i byrjinga av 20-åra.

- Ingen personskader

Det var to gutar og ei jente i starten av 20-åra som var involvert i ulukka. Dei tok seg ut av bilen for eiga hand før ambulanse kom til staden.

- Dei er alle uskadd. Bilen har køyrt av vegen på venstre side, i ein venstresving. Så dei har kryssa motgåande køyrefelt før dei hamna i grøfta, forklarer operasjonsleiar Frøyland-Jensen.

Det er ikkje mistanke om promille men det er oppretta sak på aktlaus køyring. Bileigaren i 20-åra må dermed forklara seg for lensmannen.

Siste video

Programleder: Mariann Reikerås
Steffen Lie Skålevik etter 2-2 mot Tromsdalen