Rykte ut til brann i einebustad i Åsane

Like etter klokka 11 melde politiet om brann i ein kjellar i ein einebustad i Kipo i Åsane.

To eldre personar vart etter kort tid evakuert frå huset.

– Det kom mykje røyk frå huset, men vi er litt usikre på om det har vore flammar. Det skal ikkje vere fleire personar i huset enn dei to som er komt ut, seier operasjonsleiar Jan Tore Heggholmen i Vest politidistrikt.

Det var personane i huset som sjølv melde frå om brannen. Ingen skal vere skadd.

– Røykdykkarar har vore inne, og brannvesenet har no kontroll over situasjonen, seier Heggholmen like før klokka 11.30.

Like etter bekreftar politiet at brannen er sløkt.

Starta på kjøkkenet

Brannen starta på kjøkkenet, ifølge politiet.

– Det var ikkje fare for spreiing til andre hus. No pågår det ettersløkking på staden, og restverdivurdering er på veg, seier vaktkommandør Christer Skei ved 110-sentralen.