Prestisjepris til «Ole Bulls tone»

Dokumentarfilmen om den kjente norske fiolinspelaren har vunne den prestisjetunge prisen Gullrosen.

Eldbjørg and Ragnhild Hemsing i "Ole Bulls tone"

Søstrene Eldbjørg og Ragnhild Hemsing frå Valdres legg i dokumentaren «Ole Bulls tone» ut på reise for å leita etter kompinisten sin tone.

Foto: NRK

Prisen blei delt ut i dag, på den internasjonale underhaldingsfestivalen i Lucerne i Sveits. «Ole Bulls tone» vann kategorien «Art and Documentary».

Dei to andre nominerte i denne kategorien var ein BBC-dokumentar om rockgruppa Queen, og ein belgisk produksjon av ei sceneframvising av historia om «Den lille havfruen».

Norsk musikkhistorie sin mest kjente lyd

Dokumentaren «Ole Bulls tone» handlar om to søstre frå Valdres som leitar etter den mest kjente lyden i norsk musikkhistorie; korleis det eigentleg høyrtes ut når Ole Bulls spelte fiolin. I jakta på tonen reiser dei heilt til ein fiolinverkstad i Tel Aviv.

– Dette er usannsynleg morosamt, seier Steinar Birkeland, som mottok prisen i Lucerne. Birkeland har hatt manus og kommentarar på dokumentaren som er produsert ved NRK Hordaland.

– Me skal vera så ubeskjedne og seia at dette er ein av dei store tv-festivalane i verda. Kva det å vinna vil bety i praksis får me sjå, seier Birkeland.

– Klassisk musikk til eit stort publikum

I grunngivinga frå juryen blir det trekt fram at programmet gir eit godt innblikk og ei god forståing av ein mindre kjent norsk komponist. Dette skjer på ein måte som er lett å forstå, og med ei unik og kreativ tilnærming til komponisten. Dokumentaren har suksess med å bringa klassisk musikk nærare eit stort publikum.

Mottok Gullrosen for "Ole Bulls tone"

F.v. Trond Lillealtern, Thomas Hellum og Steinar Birkeland i NRK tok i mot Gullrosen i Lucerne torsdag.

Foto: NRK

Programma som vinn innan ein kategori konkurrerer vidare om å vinna hovudprisen i Gullrosen. Vinnaren av hovudprisen blir offentleggjort seinare i kveld.

400 program blei vurderte av Gullrosen-juryen i Lucerne, og 36 av desse programma gjekk heilt til finalen. Dei nominerte programskaparane er frå 40 ulike land.

Berre to norske program gjekk heilt til finalen, og dette var «Ole Bulls tone» og «Hurtigruten minutt for minutt».

NRK anbefaler

Siste video

Terje er nærmeste nabo til Grimesvingene. Han tør ikke gå for å hente posten.

– I over 30 år har jeg hørt at det skal bli forandring

Terje er nærmeste nabo til Grimesvingene. Han tør ikke gå for å hente posten.

Minde skole har fått et betongkunstverk i skolegården, med prislapp på 300.000 kroner.

Elever fikk kunst til 300.000 kroner

Minde skole har fått et betongkunstverk i skolegården, med prislapp på 300.000 kroner.

Neste sommer ruller NRKs minutt for minutt-team rundt på norske jernbanelinjer, og Sommeråpent stopper på 40 stasjoner.

Neste år kommer NRKs Sommertog

Neste sommer ruller NRKs minutt for minutt-team rundt på norske jernbanelinjer, og Sommeråpent stopper på 40 stasjoner.