Fylkeskultursjef Anna Elisa Tryti i Hordaland fylkeskommune fortel at det viktigaste er å bevara kulturminnet.
- Ein riksveg vil danna barrierar tvers igjennom det heilskapelege kulturminnet. Dette er transportløysingar og byplanleggingsløysingar frå 80-talet som ikkje passar saman med det å ivareta kulturminnet sine interesser, seier ho.
I verneplanen opnar fylkeskultursjefen likevel for lokaltrafikk og kjøpesenter.
- Me seier nei til riksveg, men ja til veg som løyser lokale transportbehov i smelteverksområdet. Det er kulturminnet som må setja premissar for kva utvikling me kan få i området. Det vil seie at for eit kjøpesenter, så vil plassering, volum og utforming måtte ta utgangspunkt i kulturminnet si tolegrense, seier Tryti.
I 2014 vil det etter planen vera klart om smelteverkstomta i Odda kjem på verdsarvlista til UNESCO.
LES MEIR: Saman for å gje Odda verdsarvstittel