Meldinga om trafikkulykka kom ved 07.30-tida fredag morgon.
– Ein motorsyklist har køyrt i ein bil, og førar av motorsykkelen ligg på bakken, seier operasjonsleiar Morten Kronen i Hordaland politidistrikt.
– Førar av motorsykkelen skal vera skadd, og naudetatane har rykka ut. Også brannkorps er på staden med tanke på oljelekkasje, seier han.
Motorsyklisten vart køyrt til Haukeland sjukehus. Han blir rekna som lettare skada.
Tok førarkort
NAF var på staden for å taue både bil og motorsykkel. Klokka 08.10 var vegen open, og trafikken gjekk som normalt.
– Det er oppretta sak, og det er gjort eit mellombels beslag av førarkortet til bilisten, seier Kronen.
Årsaka til ulykka er framleis ukjent.
– Men vitneobservasjon tilseier at det har vore eit tilfelle av uaktsam køyring, seier operasjonsleiaren.