NRK Meny
Normal

Mann pågripen etter to økseran i Bergen

Ein mann i 20-åra er pågripen etter å ha truga til seg pengar ved to kioskar i Bergen sentrum. Han skal ha vore væpna med øks, opplyser politiet.

Laster kart, vennligst vent...

TO RAN: Ein mann er pågripen, mistenkt for å ha truga til seg pengar med øks ved to kioskar i Bergen sentrum natt til måndag.

Den første meldinga om ran kom frå YX-stasjonen i Agnes Mowinkels gate klokka 23.49.

– Personen forsvann frå staden før me kom fram og tok med seg ein ukjend pengesum, seier operasjonsleiar i politiet Bjarte Rebnord

Berre 30 minutt etterpå, medan politiet leita etter gjerningsmannen kom det inn ei ny melding om ran ved 7-eleven kiosken i Torggaten.

– Her kom det også melding om ein person som truga til seg pengar ved hjelp av øks.

Pågripen i Vaskerelven

Rundt klokka 00.30 klarte politiet å arrestera mannen i Vaskereleven, i nærleiken av treningssenteret Itrain.

– Den mistenkte har sete i arresten i natt, og vil bli avhøyrd utover dagen, seier Rebnord.

Politiet har intervjua vitne og tilsette i dei to kioskane i natt.

– Ut ifrå den informasjonen me har fått, og skildringar frå vitne er me temmeleg sikre på at mannen me har pågripen står bak begge rana, seier Bjarte Rebnord, operasjonsleiar i politiet.

– Ingen skada

– Ingen er fysisk skada etter hendingane, men det er klart at dette har vore ei stor belastning for dei involverte.

Dei tilsette vert no varetekne av arbeidsgivarane sine.

Siste video

Bilder med tillatelse fra TV2
Hovedfeltet på vei opp Laksebakken under sykkel-VM søndag 24. september
Se innspurten fra U23 rittet - bilder med tillatelse fra TV2