NRK Meny
Normal

Jente (14) påkøyrd i fotgjengarfelt

Ei 14 år gammal jente er påkøyrd av ein bil på Tertnes i Åsane. Føraren av bilen er fråteken førerkortet.

Klokka 08.19 fekk politiet melding om at ei 14 år gammal jente er blitt påkøyrt av ein bil i eit gangfelt på Tertnes i Åsane.

– Ho er bevisst, men klagar over smerter i ei hofte, seier operasjonsleiar Morten Kronen.

Ulukka skjedde i eit fotgjengarfelt før ei rundkøyring, ved avkøyrsla frå motorvegen mot Tertnes.

Naudetatane er på staden. Jenta er no henta i ambulanse og køyrt til legevakta i Bergen.

Fekk hjelp av forbipasserande

Føraren av bilen som traff jenta er fråteken førerkortet.

– Fleire bilar stoppa for å ta seg av jenta til politi og ambulanse kom fram til staden. Difor kan det vere litt kø rundt ulukkestaden no, seier Kronen.

Vegen er ikkje stengt.

Siste video

Vegvesenet rydder på rasstedet på riksvei 13 i Odda, der to biler ble truffet av et steinras.