Her sit Hordalendingane

Stortingsrepresentantane frå Hordaland er nå blitt plasserte i det nye Stortinget.

Stortinget
Foto: Sjur Øverås Knudsen / NRK

Dei fleste partia har avgjort kva komitear representantane deira skal sitta i.

LES OGSÅ: Ny hordalandsbenk på Stortinget

Kjersti Toppe (Sp) går inn i Helse- og omsorgskomiteen, og får nestleiarvervet. I denne komiteen skal også Erna Solberg (H) og Laila Dåvøy (KrF) sitta i.

Gjermund Hagesæter (FrP) blir fraksjonsleiar i kommunal og forvaltingskomiteen. Hilde Magnusson Lydvo (Ap) skal også sitta i denne komiteen.

Tove Linnea Brandvik (Ap) går inn i Arbeids- og sosialkomiteen. Der skal også FrP-representanten Laila Reiertsen sitta.

Per Rune Henriksen (Ap) skal sitta i Energi- og miljøkomiteen. Partikollegaen hans Magne Rommetveit går inn i Transport- og kommunikasjonskomiteen, der også Øyvind Halleraker (FrP), og Arne Sortevik (FrP) skal sitta.

Dag Ole Teigen (Ap) skal sitta i Finanskomiteen. Henning Warloe (H) går inn i utdannings- og forskingskomiteen. FrP-representanten Karin S. Woldseth skal sitta i Utanriks- og forsvarkomiteen.

SV sin stortingsgruppe har valt Audun Lysbakken til parlamentarisk leiar . Han blir og sittande i Utanriks- og forsvarskomiteen.

Heikki Holmås er hordalending, men stiller for Oslo. Han har fått vervet som leiar av Stortingets kommunalkomité.

Siste video

Andsnes spiller piano for flypassasjerene på Flesland
Bergensbandet Razika fyller ti år, og ser tilbake på øyeblikk fra sin karriere.
Slik ser det ut når dagleg leiar i spelselskapet Emberlight AS testar den foreløpige versjonen av «Eye of Odin», laga i virtuell røynd (VR). Han er guden Odin og skal hindre at vikingane slepp Fenrisulven (som står i bakgrunnen) fri. Video av Emberlight.