Billettsalet til seriefinalen mellom Brann og Rosenborg starta i dag - og det føregjekk ikkje utan dramatikk og frustrasjon.
er noko av det som vart resultatet etter ein kaotisk dag.
Fleire av dei litt lenger bak i køane vart frustrerte over at det ikkje var sett noko øvre grense på kor mange billettar ein kjøpe.
Mange av dei som ikkje fekk tak i billettar måtte samstundes sjå nokre sikre seg så mange som 30 stk.
Brann-fan Robert Bjarkøy tykte lite om måten billettsalet var arrangert på.
- Mange gjekk ut med ein svær billettbunke under armen. Eg etterlyser ei form for etikk eller gradering i dette salet, slik at det kan verte ei meir lik fordeling.
- Opnar for svartebørssal
Arrangementsansvarleg i Brann-bataljonen, Frode Hellebø, er også kritisk til måten salet føregjekk på.
- Viss ein sel ti og ti billettar til folk, så opnar det jo for eit svartebørssal, og det tykkjer vi ikkje er bra.
Presseansvarleg i Brann, Hans Lokøy, trur ikkje svartebørsmarknaden er så stor – fordi dei som no har skaffa seg billett til Brann-Rosenborg-oppgjeret, vil bruke billetten til ein så spesiell kamp.
- Tanken er at vi skal vere tilgjengelege for folk, at det skal vere mogeleg for folk å skaffe billettar til vener og familie. Når det er sagt, ligg risikoen for svartebørs der, og det kan vi ikkje gardere oss heilt mot.