Albert er ein blandingshund på 10,5 år. Sidan han var liten kvalp har han alltid blitt ekstra ivrig når klokka slår 09.03.
Då byrjar NRK P1 sitt flaggskip på radioen, nemleg Nitimen.
– Eg trur han var ni-ti månadar når han først byrja med dette, minnast matmor Sissel Grønlie.
Naboane på Gyldenpris i Bergen har nok høyrt han mange gonger. I dag har NRK kome på besøk for å sjå og høyra Albert i aksjon. Men blir det synging, no som NRK er på plass for å fanga det heile på film?
Sjå korleis Albert reagerer når Nitimen byrjar på NRK P1 i videoen øvst i saka.