Dommen fall i tingretten tysdag, skriv Bergens Tidende.
Det var 21. september i fjor at 25-åringen gjekk til åtak på sin to år eldre bror med kniv i ein bustad i Liakroken i Åsane i Bergen. Bakgrunnen for krangelen skal ha vore ein konflikt mellom dei to brørne.
Den avdøde 27-åringen døde av blødingar frå knivstikk i hjartet. Påtalemakta meiner 25-åringen stakk med vilje og aktor Jan-Inge Wensell Raanes bad om elleve års fengsel i sin sluttprosedyre då saka gjekk i retten i slutten av mai.
- LES OGSÅ:
Må betale erstatning
I sin forklaring i retten sa 25-åringen at han aldri hadde til hensikt å ta livet av bror sin under krangelen.
Bistandsadvokaten bad om 200.000 kroner i skadeerstatning til mora til dei to brørne. Tingretten har tilkjent erstatninga, og mora får i tillegg erstatning for økonomiske tap på 39.000 kroner.
Ankar dommen
Til Bergens Tidende seier 25-åringen sin forsvarar at dommen blir anka.
– Min klient har vore klar på at det aldri var meininga å drepa broren. Han er glad for at han blir trudd av ein av dommarane på at dødsfølgen aldri var tilsikta.
