Det var klokka 07.59 at brannvesenet sjølv vart vitne til ei arbeidsulukke i Store Lungegårdsvann i Bergen.
Like ved brannstasjonen gjekk ein større lekter rundt, og ein person hamna i det kalde vatnet. Utrykkingstida og avstanden vart difor kort for brannvesenet.
– Vi såg at lekteren krenga ei stund, og så gjekk den rundt. Det såg dramatisk ut, seier vaktkommandør Torkjell Helle ved 110-sentralen i Hordaland.
Svømde sjølv i land
Lekteren var knappe 20 meter frå land, og var full i stein. Det går føre seg eit større utfyllingsarbeid i området ved brannstasjonen og Amalie Skrams vidaregåande skule.
To brannmenn fekk med seg kva som skjedde, og kunne straks trå til med hjelp.
Personen som var om bord i lekteren svømde sjølv til tryggleik på land, og vart så tatt hand om av naudetatane.
– Heldigvis vart han ikkje treft av steinane i lekteren. Han svømde raskt i land, forsikrar Helle.
Brannmenn var vitne
To brannmenn fekk med seg kva som skjedde, og kunne straks trå til med hjelp.
– Heldigvis vart han ikkje treft av steinane i lekteren. Han svømde raskt i land, forsikrar Helle.
Arbeidsulukke
Lekteren er no dratt inn til land, men ligg framleis å duppar feil veg i vatnet.
Politiet seier dei reknar hendinga for å vera ei arbeidsulukke, og vil følgje opp saka.
Naudetatane melder om at personen som var i vatnet, er uskadd.