Blir etterforska som mistenkeleg dødsfall

Politiet veit ikkje kva som har skjedd med mannen som i går kveld vart funnen død under Puddefjordsbroen i Bergen.

Død mann funnet under Puddiken

FUNNE DØD: Mannen vart funne død av turgåarar fredag kveld.

Foto: Mariann Reikerås / NRK

Det var klokka 18.00 fredag at turgåarar varsla politiet om at dei hadde sett ein død mann ved Puddefjordsbroen i Bergen.

Mannen vart funnen på Gyldenpris-sida av brua, delvis liggande i sjøen. Jourhavande jurist Anders Johnsen seier til NRK laurdag at dei no etterforskar eit mistenkeleg dødsfall.

– Avdøde er sendt til obduksjon, og vi håpar å få eit førebels obduksjonsresultat frå Gades institutt i løpet av dagen. Det er alt eg kan seie om etterforskinga no, seier Johnsen.

Veit kven mannen er

Seint i går kveld var ikkje mannen identifisert, men Johnsen seier politiet no føler seg sikre på kven avdøde er.

– Vi har ein ganske klar indikasjon på kven personen er.

Området vart i går sperra av medan krimtekniske ekspertar gjorde undersøkingar. Staden der den døde vart funne ligg like ved Baker Brun på Damsgård-sida av Puddefjorden.

Siste video

Meisterfinale på Brann stadion, ekstremistar på bygdene og eldre som må flyttast ut av kommunen for å få sjukeheimsplass. Dette er nokre stikkord for dagens sending. Programleiar Jan Børge Leirvik
Bergen stasjon, eller Jernbanestasjonen? Sterke meiningar i Vestlandsrevyen i dag. Her kan du også sjå at Bergen kommune vil ha folkedugnad mot bygningsforfall, og flyktningar slit med einsemd. 
Programleiar Jan Børge Leirvik.
På nytt vekker gatekunstner AFK oppsikt. Nå har han malt det som trolig er landets lengste «street art», laget av en enkelt kunstner.