Det viser ein rapport offentleggjort av SSB i dag.
– Me har eit stykke igjen når det gjeld tilbodet av gang- og sykkelvegar, men me er veldig glade over tala av nedgangen i bilbruk, seier byråd for byutvikling, klima og miljø i Bergen, Lisbeth Iversen (KrF), til NRK.no.
– Det har vore ei målretta satsing å redusera bruken av bil i Bergen, og blant anna er jo Bybanen etablert i ein eksisterande vegbane, legg ho til.
I høve samarbeidsprosjektet «Framtidens byer» er rapporten utarbeidd på oppdrag frå Miljøverndepartementet, og inneheld utvalte indikatorar og statistikk om miljøstatus og miljøutvikling i kommunane som er med på prosjektet.
- LES OGSÅ:
– Dyrt å byggja
Sjølv om bruken av miljøvenlege transportmidlar går opp i Bergen, er berre Tromsø knappare når det gjeld tilbodet av kommunale gang- og sykkelvegar i «Framtidens kommuner».
– Me ligg lågt på den skalaen, og det har litt med geografiske høve å gjera. Me har fjell og det er dyrt å byggja, seier Iversen.
– Men det er viktig å understreka at me tidlegare har lagt opp til kombinerte gang- og sykkelvegar, så me fell ut av kategorien som gjeld reine sykkelvegar. Men etterkvart som sportsyklistane har gjort seg gjeldane på arenaen, har me snudd oss inn, og vil byggja seperate gang- og sykkelvegar, seier ho.
Sykkelvegen mellom Bergen og Os er blant anna ikkje teke med i berekningane til SSB. Dette er av di traseen er eigd av staten, sjølv om Bergen kommune har vore med på å finansiera tilbodet.
Ambisiøs sykkelhandlingsplan
For å betra tilbodet av sykkeltrasear i bergensområdet, vedtok kommunen blant anna ein sykkelhandlingsplan i fjor vår.
Å setja planen til livs krev blant anna førti moglegheitsstudier, trettitre byggjeplanar og tjueto reguleringsplanar. All utbyggjing reknast å vera ferdig framstilt rundt år 2020.
– Det er ikkje alt ein treng å regulera, men sidan me ikkje har meir land å ta av i dei tronge Bergensdalane, så må ein omprioritera dei vegane me har og planleggja traséar. Målsetjinga vår er å klara det før ti år er gått, men dei neste fem åra vil svært mykje viktig infrastruktur vera ferdig, seier Iversen.
Planen tilsvarer ein innsats på mellom 1 og 1,5 milliardar kroner, og i dei næraste åra har kommunen fullfiansiert planen med mellom seksi og sytti millionar kroner i året.
– Ein slik omfattande handlingsplan må til for å sikra ei ambisiøs satsing. Og det som Bergen har vedteke i Bystyret er på topp i landet.
– Bergen den mest ambisiøse byen når det gjeld nasjonal satsing på sykkel, seier Iversen.