– Mannen tok seg inn i huset til ein nabo og forsøkte å valdta henne, opplyser politiadvokat Trond Eide i Vest politidistrikt til NRK. Det var Bergensavisen som først melde om saken.
Fredag ettermiddag blei mannen varetektsfengsla i fire veker. Slutninga frå retten er ikkje offentleg av omsyn til den sikta, opplyser Eide.
Budde i same bygning
Valdtektsforsøket skjedde på dagtid 9. juli. Kvinna budde i same bygning som sikta.
– Døra var åpen, og han gjekk rett inn, seier Eide til NRK.
48-åringen har ein historikk med rus og psykiatri.
Fekk behandling
– Då valdtektsforsøket skjedde, var sikta i ein slik tilstand at han blei innlagt i psykiatrien. Han var psykotisk. Om psykosen var rusutløyst, er usikkert.
Den sikta har vore under psykiatrien sitt ansvar fram til i dag.