Tatt med tre kilo amfetamin
Ein 45 år gammal mann frå Bergen vert i dag framstilt for varetektsfengsling, sikta for oppbevaring av større mengder narkotika. Politiet har gjentatte gongar funne narkotika hjå mannen, og det største beslaget er på over tre kilo amfetamin. – Tysdag vart han tatt for rusa køyring på motorsykkel. 45-åringen hadde på seg mindre mengder amfetamin, og mangla gyldig førarkort, seier politiadvokat Line Skjengen.