NRK Meny
Normal

Vingnesbrua blir stengd for biltrafikk

I kveld har kommunestyret bestemt at Vingnesbrua skal bli gang- og sykkelveg. Saka har vekka sterke reaksjonar, og lokalbefolkninga er splitta.

Vingnesbrua vinter

Vingnesbrua blir stengd for biltrafikk frå og med 12. mai.

Foto: Arvid Torsgard / NRK

Mange fleire tilhøyrarar en normalt møtte opp på Lillehammer kommunestyre for å få med seg utfallet, og resultatet var at det kjende landemerket blir stengd for biltrafikk frå og med 12. mai i år.

– Eg synst det er eit trist vedtak, for Vingnes sin del, seier Line Fuglehaug som ein av mange engasjerte.

Splitta befolkning

Dette har vore ei svært omstridt sak for dei som brukar brua, Henrik Stjer er ein av dei som er for dette vedtaket.

Line Fuglehaug

Line Fuglehaug som bur på Vingnes er ikkje nøgd med vedtaket.

Foto: Arvid Torsgard / NRK

– Stå her ein ettermiddag eller ein morgon og tel kor mange gongar fartsmålaren blenker raudt, ingen av dei som køyrer her held fartssona, seier Henrik Stjer.

Vingnesbrua vart bygd i 1934 og er eit nasjonalt kjennemerke frå helt sidan krigen då nordmenn forgjeves sprengde brua for å halde tyskarane unna. No stridast det om konsekvensane av å forby biltrafikk som gjer at lokalbefolkninga må bruke E6-brua til og frå byen.

– Eg er einig i at det hadde vore fint med ein gang- og sykkelveg, men det er tøysete arrogant å påstå at dette er ein gåvepakke til oss som bur på Vingnes, vi mistar ein lokalveg, meiner Line Fuglehaug.

Fordel å stenge

Både Fuglehaug og Stjer bur på Vingnes, på vestsida av Lillehammer. Likevel er dei er sterkt ueinige om det er riktig å innføre bilforbod. Uansett har det vore eit klart politisk fleirtall for å gjere brua til ein gang- og sykkelveg.

Espen Granberg Johansen

Ordførar i Lillehammer kommune, Espen Granberg Johansen tar trafikksikkerheit på alvor.

Foto: Arvid Torsgard / NRK

– Det er bra at vi tar trafikksikkerheit på alvor. Vi må fyrst og fremst prøve å førebygge og unngå alvorlege trafikksituasjonar, og då prioriterar vi mjuke trafikantar, seier ordførar i Lillehammer, Espen Granberg Johansen.

– Saka har engasjert så sterkt at enkelte ikkje tør å bli intervjua fordi personbelastninga er blitt for høg.

I fjor vart brua prøvestengd i to månadar, noko som skapte store diskusjonar.

– Sist sommar, eg har aldri sett så mange folk som har gått over brua og brukt den, fortel Stjer.

SISTE NYTT FRA HEDMARK OG OPPLAND

  • Skolebuss av veien ved Kapp

    En skolebuss kjørte av veien ved Kapp Legesenter ved 14.45-tiden mandag. Bussen holdt på å velte og står på kanten av veibanen. Alle i bussen er ute og fremstår som uskadet, ifølge nødetatene.

    Buss kjørte av veien ved Kapp legesenter
    Foto: Jorun Vang / NRK
  • Høye brøytekanter kan bli en fare

    Statens vegvesen frykter dårlig sikt som følge av brøytekanter, kan føre til ulykker.Vi er særlig bekymret for at dårlig sikt kan gi fotgjengerulykker ved gangfelt, sier seksjonsleder Lars Alhaug i Statens vegvesen i Hedmark.

    Høye brøytekanter er farlige for fotgjengere.
    Foto: Arne Sørenes / NRK
  • Verktøy stjålet fra bil på Skarnes

    Politiet etterforsker tjuveri fra en bil på Skarnes. Det er tatt diverse elektrisk verktøy i morgentimene. Politiet har vært på stedet og gjort undersøkelser.