Strålande haustver i Sør-Noreg

Kalde netter og strålande solskinn. Helgeveret er fantastisk over store delar av Sør-Noreg. Også i Ringsaker i Hedmark var det vakkert i dag tidleg (sjå video):

den første frosten i innlandet

VAKKERT: Dei første frostnettene kombinert med sol lagar vakre motiv i Sør-Noreg. VIDEO: Arne Sørenes.

Arne Sørenes
Journalist

Mens det regnar kraftig i Nord-Noreg, vakna mange i sør opp til ein usedvanleg fin haustmorgon. Metereologisk konsulent Jan-Inge Hansen ved Metereologisk Institutt i Oslo seier at det fine haustveret vil halde fram også i morgon.

– Ja, finveret ser ut til å halde seg gjennom helga, både i aust og vest.

Metereologisk konsulent Jan-Inge Hansen slipper å måle temperaturen manuelt hver dag

VERVARSLAR: Jan Inge Hansen er konsulent ved Metereologisk Institutt i Oslo.

Foto: Tor Erik Schrøder / NTB scanpix

Nattefrost i aust

Fleire stader, både på aust- og vestlandet, har ein opplevd nattefrost den siste veka. I Oslo, som på store delar av austlandet, måtte mange skrape bilvindauga i dag tidleg. Konsulenten ved Metereologisk institutt seier at denne vertypen vil halde fram i dagane som kjem. Særleg kan ein vente seg nattefrost i indre strok i Hedmark og Oppland.

Nattefrost

NATTEFROST: innlandet opplevde ei kald natt.

Foto: Arne Sørenes / nrk

Lokal skodde

Mange stader kan ein forvente seg lokal skodde, særleg i innladet nært ope vatn.

Såkalla strålingskodde oppstår som regel når det er vindstille eller svak vind, fuktig bakke og gjerne skyfritt. Om natta blir varmetapet ved bakken så stort at lufta blir metta med vassdamp, og så blir det skodde. Strålingskodde er mest vanleg om hausten og i innlandet.

strålingsskodde

STRÅLINGSKODDE: Døme på lokal skodde frå Ringsaker i Hedmark.

Foto: Arne Sørenes / nrk

SISTE NYTT FRA HEDMARK OG OPPLAND