NRK Meny
Normal

Slik unngår du mus i hus

Vinteren nærmar seg, og tusenvis av små krabatar leiter etter ein god vinterbustad. Les kva du kan gjere for å unngå at dei kjem til ditt hus.

Mus.

Dei fleste vil unngå å få slike gjestar i huset.

Foto: DOUG HANSEN / AFP

- I går hadde vi besøk av ei jente som budde i eit gammalt hus. Ho var heilt på gråten ettersom ho hadde mus i både veggar og tak. Så ho sopte med seg alt vi hadde av museforebyggjande varer, seier Anne Strømsnes som jobbar i byggjevareforretninga i Gran.

Men både ho og Anstein Berntsen i skadedyrfirmaet Pelias, er enige om at det viktigaste er det du gjer før vinteren set inn.

- Tenk forebyggjing, seier dei.

- Rydd rundt huset

Det finst nok av middel å ta tak i dersom du fyrst har fått mus i huset. Musefeller, rottegift, møllkuler og ultralyd er noko av det som finst i butikkhyllene.

Berntsen meiner at dei fleste kan gjere enkle grep som gjer desse unødvendige, og gjer at musa vil halde seg unna huset.

- Det viktigaste er å rydde rundt huset og fjerne vegetasjonen rundt. Langt gras, lauv og vedstablar bør fjernast. Dersom det er tomt rundt huset tør ikkje musa å kome, seier han.

Samtidig er det viktig å plassere netting framfor ventilane, samt at du let att alle glas for å hindre at musa tek seg inn. Samtidig kan det vere lurt å plassere ut åtestasjonar rundt husa, og fyller desse jamnleg med ei eller annan form for rottegift.

Katt og mus
Foto: NRK

Og dersom ikkje desse råda skulle hjelpe så er det eit firbeint hjelpemiddel som aldri går av moten...

SISTE NYTT FRA HEDMARK OG OPPLAND

Video fra Hedmark og Oppland

Elena fra Lillehammer er opptatt av de små bedriftene
Nils Thore Jansson fra Finnskogen mener mye om mangt, særlig om politikere og sentralisering.
Bar Hassan fra Follebu skal stemme for første gang